Tionólfar cruinniú cinn bliana an Chumainn Scoildrámaíochta sa Hilton Garden Inn i mBaile Átha Cliath ar an Satharn, 25 Samhain 2023, ag 1 p.m.
All posts by Tomás Ó Murchú
Torthaí 2023
Beidh torthaí na féile náisiúnta ar fáil anseo tráthnóna Déardaoin, 4 Bealtaine 2023, ag thart ar 6 i.n.
Seo thíos an nasc chuig na torthaí:
https://www.scoildramaiocht.ie/feile-naisiunta-2023-torthai/
Má dhéantar an nasc sin a chliceáil roimh ré, déarfar nach féidir teacht ar an leathanach ach beidh fáil air a luaithe agus a bheidh na torthaí againn.
Mura n-oibreoidh an nasc duit tráthnóna Déardaoin, lean na céimeanna seo a leanas:
– téigh go www.scoildramaiocht.ie
– cliceáil ar an táb Féilte & Comórtais
– téigh go Féile Náisiúnta 2023 sa roghchlár anuas agus roghnaigh Féile Náisiúnta 2023 – Beidh na torthaí ansin.
Ádh mór oraibh ar fad.
An Fhéile Náisiúnta 2023
Tá an-áthas orainn a fhógairt go mbeidh clár iomlán againn i mbliana don Fhéile Náisiúnta 2023 agus drámaí linn ó gach cearn den oileán seo againne idir thuaidh agus theas.
Reáchtálfar an fhéile in Áras na nEalaíon ar an Muileann gCearr thar sé lá ó 26-28 Aibréan agus ó 2-4 Bealtaine.
Is é Seán de Búrca a bheidh i mbun moltóireachta i mbliana.
Guímid gach rath ar gach aon ghrúpa a bheidh ag glacadh páirte. Tá céad míle fáilte romhaibh ar fad a bheith linn i rith na féile.
Ceardlann Drámaíochta i nGaoth Dobhair
Beidh cúrsa lae in Amharclann Ghaoth Dobhair ar an Satharn, 14ú Eanáir 2023. Tá fáilte mhór roimh chách. Táille €10 le híoc ar an lá le tae / caife agus lón san áireamh. Breis eolais ag noelogallchoir@hotmail.com.
Fáilte thar n-ais!!
Tá an-áthas orainn a fhógairt go mbeidh féilte scoildrámaíochta ar siúl fud fad na tíre in 2023 agus sinn ag tnúth le bualadh lenár seancháirde arís agus le cairde nua a dhéanamh chomh maith céanna. Tá fáilte is céad romhaibh ar fad a bheith linn.
Covid-19
Is oth le Coiste Náisiúnta an Chumainn Scoildrámaíochta a fhógairt nach mbeidh Féile Náisiúnta á cur ar bun i mbliana agus nach mbeifear ag leanúint ar aghaidh le haon fhéile cúige nár reáchtáladh go dtí seo mar thoradh ar an gcoróinvíreas, Covid-19. Is mian leis an gCoiste buíochas a ghabháil le hoifigigh uile an Chumainn agus leis na múinteoirí agus na scoláirí a ghlac páirt in ár gcuid féilte agus ag súil go mbeimid ar fad ar ais le chéile arís in 2021.
Torthaí na Féile Náisiúnta Scoildrámaíochta 2019
Beidh torthaí na féile náisiúnta uaslódáilte anseo ag 4pm tráthnóna inniu, Dé Céadaoin, 10 Aibreán 2019. Chun teacht ar na torthaí,
(i) cliceáil ar an nasc Féilte agus Comórtais thuas
(ii) ansin roghnaigh Féile Náisiúnta 2019 agus
(iii) ar dheis uaidh sin roghnaigh Féile Náisiúnta 2019 – Torthaí
Go raibh maith agaibh.
Féile Cheatharlach 2019
Tá éacht déanta ag Coiste Cheatharlach i mbliana.
Beidh thart ar 12 dhráma ar fad ar stáitse in Amharclann George Bernard Shaw ar an mbaile ar 7 Márta 2019 – thart ar 10 gcinn as na bunscoileanna agus 2 cheann as na meánscoileanna. Is í Rita Kelly a bheidh i mbun moltóireachta ag an bhféile.
Déanaimíd comhghairdeas le gach duine a bhfuil baint acu leis an ngaisce seo agus guímid gach rath ar na scoileanna ar fad a bheidh ag glacadh páirte ann.
Cruinniú Cinn Bhliana 2018
Meabhrúchán go mbeidh CCB an chumainn ar siúl in Ostán na Páirce, Dún Garbhán, ar an Satharn 13 Deireadh Fómhair ag 1.00 i.n.
Bronnadh na nDuaiseanna 2018
Bronnfar na duaiseanna ar bhuaiteoirí na féile náisiúnta sa Celtic Suite i bPáirc an Chrócaigh ar an gCéadaoin, 23 Bealtaine, ag 1.30pm.